Бишкек, 19.06.25. /Кабар/. Бүгүн Тоң районуна караштуу Коңур-Өлөң айылында жаңы 50 орундуу бала бакча ачылды. Бул тууралуу Агартуу министрлигинен билдиришти.
Иш-чарага министрликтин мектепке чейинки билим берүү башкармалыгынын башкы адиси Индира Токонова катышып, жергиликтүү тургундарды жана тарбиячылар жамаатын жаңы билим берүү мекемесинин ачылышы менен куттуктады.
Жаңы курулган бала бакча заманбап шарттарга жооп берип, 54 баланы кабыл алууга даяр. Бала бакча ушул жылдын 20-июнунан тарта иштеп баштайт.
