Бишкек, 23.09.26 /Кабар/. Соода-өнөр жай палатасынын төрагасы Темир Сариев УТРК телеканалына берген комментарийинде президент Садыр Жапаровдун БУУнун Башкы ассамблеясындагы бир жактуу санкциялар боюнча айткан сөзүн колдой тургандыгын билдирди.
Анын айтымында, ар бир мамлекеттин өзүнүн өнүгүү жолу бар жана күчтүү мамлекеттер өз кызыкчылыктарын башка өлкөлөргө таңуулабашы керек.
“Бир жактуу санкциялар — бул абдан туура айтылган сөз. Эмне үчүн күчтүү мамлекеттер өздөрүнүн кызыкчылыгын бизге таңуулап жатат? Ар бир мамлекеттин өзүнүн жолу бар. Биз эл аралык стандарттарды колдонуп, эл аралык келишимдерге жооп бере турган чечимдерди аткарабыз. Ал эми бир мамлекеттин бир жактуу санкциялары сөзсүз аткарылышы керек болгон келишим же талап эмес”, — деди Темир Сариев.
