Бишкек, 09.02.26. /Кабар/. Талас облусунда курулуш объекттеринин сапатына пландан тышкары текшерүү иштери жүргүзүлүүдө. Бул тууралуу Курулуш, архитектура жана турак жай-коммуналдык чарба министрлигинен билдиришти.
Анын жүрүшүндө Талас шаарынын О.Турдалиев көчөсү 183а дарегинде курулуп жаткан соода борбору жана мейманканын курулушунда коопсуздук эрежелеринин сакталбагандыгы аныкталды. Ошондой эле аталган курулуш объектисинде техникалык регламенттердин сакталбагандыгы белгилүү болду.
Натыйжада курулуш иштерин жүргүзүп жаткан "Алтын Казык Курулуш Кей Джи" ЖЧКсына карата мыйзам бузуу фактысы боюнча протокол түзүлүп, 200 миң сом өлчөмүндө айып пул салынды.
