Бишкек, 23.12.25. /Кабар/. Президенттин Талас облусундагы өкүлү Эрмат Жумаевдин демилгеси менен балдар үчүн жаңы жылдык балаты майрамы уюштурулду. Бул тууралуу өкүлчүлүктөн билдирди.
Маалыматка ылайык, майрамдык иш-чарага облус аймагындагы окуудагы алдыңкы жетишкендиктери менен айырмаланган окуучулар, көп балалуу жана аз камсыз болгон үй-бүлөлөрдүн балдары, камкорчусунан ажыраган, ошондой эле өзгөчө муктаждыктары бар жалпы 400 бала чакырылды.
Иш-чаранын жүрүшүндө Эрмат Жумаев балдарды келе жаткан Жаңы жыл майрамы менен куттуктап, аларга бекем ден соолук, билим алууда ийгиликтерди жана бактылуу балалык каалады.
Балдарга облустук драма театрынын артисттери тарабынан "Үйдө жалгыз" киносунун театрлаштырылган спектакли көрсөтүлдү.
Иш-чаранын соңунда 400 балага атайын белектер тапшырылды.
