Бишкек, 24.04.26. /Кабар/. Талас шаарында борбордук сейил багы курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, сейил бак президент Садыр Жапаровдун тапшырмасы менен курулууда.
Долбоор республикалык бюджеттен каржыланып, анын жалпы наркы 21,6 млн сомду түзөт.
Башкы планга ылайык, сейил бактын аянты 1,5 гектарды түзүп, анда 8 аттракцион, оргума, эс алуу аймактары, унаа токтотуучу жай жана көрктөндүрүү иштери каралган.
Бүгүнкү күндө курулуш иштери 80 пайызга аткарылып, учурда тышкы жарыктандыруу иштери жүргүзүлүүдө.
Долбоорду ишке ашыруу шаардын инфратүзүмүн жакшыртууга багытталган. Курулуш-монтаждоо иштери "Кыргызкурулуш" мамлекеттик ишканасы тарабынан жүргүзүлүүдө.
