Бишкек, 14.01.26. /Кабар/. Талас шаарында 920 орундуу "Акылман" президенттик лицейи курулууда. Бул тууралуу мэриядан билдиришти.
Бүгүн агартуу министри Догдуркүл Кендирбаева жумушчу сапарынын алкагында лицейдин курулуш иштери менен жеринен таанышты.
Лицей 920 орунга ылайыкталып, бардык заманбап шарттар менен камсыздалган 3 кабаттуу имарат жана жатаканасы менен салынууда. Окуу жай президенттин колдоосу жана "Газпром Кыргызстан" компаниясынын жетекчиси Болот Абилдаевдин демөөрчүлүгү менен курулууда.
"Акылман" президенттик лицейин 2026-жылдын август айында пайдаланууга берүү пландалууда. Лицейде окуу акысыз болуп, Талас облусунун гана эмес, өлкө боюнча бардык окуучулар үчүн билим алууга мүмкүнчүлүк түзүлөт.
