Бишкек, 01.08.25. /Кабар/. "Суусамыр - Талас - Тараз унаа жолун реконструкциялоо, IV фаза, 104,6-197,6 чакырым" долбоору боюнча иштер кызуу жүрүүдө. Бул тууралуу Транспорт жана коммуникациялар министрлигинен билдиришти.
Учурда унаа жолдун IV фазасын реконструкциялоо иштери башталып, подрядчы тарабынан жол курууга керектүү техникалар камсыздалды.
Иштердин алкагында жол жээгин тегиздөө, кеңейтүү, суу түтүктөрүн жылдыруу, бетон электр мамычаларын демонтаждоо иштери уланууда.
Жеринде 80ден ашык атайын техника жана 65 жумушчу иш алып барууда. Долбоордун алкагында 2 асфальт-бетон завод, 1 бетон завод, 2 таш талкалоочу жабдык орнотуу иштери жүрүүдɵ.
Жалпысынан реконструкция боло турган жолдун узундугу — 93 чакырымды түзөт. Башкача айтканда, Талас шаарынан башталып "Кичи-Капка" кɵзɵмɵл пунктуна чейин барат. Курулуш иштери 2025-2028-жылдардын аралыгында бүткөрүлөт. Долбоордун кепилдик мөөнөтү — 5 жыл.
Долбоордо 6 кɵпүрɵнү реконструкциялоо, 1 жер алдынан ɵтүүчү ɵтмɵк, калк жайгашкан жерлерде тротуар, жарыктандыруу каралган. Жолдун учурдагы III техникалык категориясы II техникалык категорияга чейин көтөрүлөт.
