Бишкек, 27.02.25. /Кабар/. Чүй облусунун Сокулук райондук жалпы дарыгерлик практика борборунда өрт коопсуздугуна карата пландык текшерүү жүргүзүлдү.
Өзгөчө кырдаалдар министрлигинен билдиришкендей, Өрттү көзөмөлдөө кызматынын Чүй, Талас облустары боюнча башкармалыгынын инспекторлору ӨКМдин Сокулук району боюнча өзгөчө кырдаалдар бөлүмүнүн кызматкерлери менен биргеликте рейддик иш-чараларду улантууда.
Текшерүүнүн жүрүшүндө аталган ооруканага өрт коопсуздук талаптарын бузуулар жөнүндө акт түзүлүп, аларды белгиленген мөөнөттө калыбына келтирүү боюнча эскертүү берилди.
Белгилей кетсек, рейддик иш-чаралар “Саламаттыкты сактоо мекемелерине караштуу объектилерде өрт коопсуздук эрежелеринин жана нормалардын сакталышын камсыздоо” чечимине ылайык, өлкөнүн бардык аймактарында жүрүүдө.
