Соцфонд пенсияны мөөнөтүнөн мурда алууга укук берген оорулардын тизмесин жарыялады

Бишкек 31.03.25 /Кабар/. Социалдык фонд пенсиялык топтоо каражаттарын мөөнөтүнөн мурда алууга укук берген оор оорулардын тизмесин жарыялады.

Мекеменин басма сөз кызматынан билдиришкендей, тизмеге төмөндөгү оорулар кирет:

1. Залалдуу шишиктер (бардык түрлөрү) II, III, IV стадиялары – Tumor Nodus Metastasis эл аралык классификациясынын 2-клиникалык тобу боюнча.
2. Кан оорулары:

• курч лейкоз (бардык түрлөрү);
• апластикалык аз кандуулук;
• гемофилия.

3. Кан айлануу органдарынын оорулары:

• жүрөк кемтиги (тубаса же кабылдаган);
• жүрөк ритминин жана өткөрүмдүүлүгүнүн бузулушу;
• жүрөктүн өнөкөт коронардык оорусу (ангиопластика, коронардык шунтирлөө, өнөкөт аневризма жана жүрөк жетишсиздиги);
• артерия оорулары, операция талап кылган магистралдык кан-тамыр бузулуусу;
• облитерацияланган эндартериттин оор түрлөрү.

4. Боордун өнөкөт жетишсиздиги жана циррозу:

• В жана С гепатиттери (4-5 стадиялары);
• Орган трансплантациясын талап кылган же трансплантация жасаткан бейтаптар.

5. Бөйрөк жетишсиздиги (5-стадиясы) – гемодиализ талап кылган түрү.