Бишкек, 11.09.25. /Кабар/. Нарын шаарында көп кабаттуу турак жайлардын айланасына мыйзамсыз курулуштарды алуу боюнча иштер жүрүүдө.
Шаардык мэриядан билдиришкендей, аталган иш-чаралардын алкагында гараждар, складдар, очокканалар, тосмолор сыяктуу эски жана өзүм билемдик менен курулган курулуштар алынууда. Алардын ордуна бир типтүү, заманбап гараждар куруу пландалган.
Белгиленгендей, учурда шаарчанын аймагындагы жалпы 16 эскирген курулуш бузулуп, темир гараждар жана башка жайлар алынган.
Бул аракеттердин негизги максаты:
- Шаардын көркүн оңдоо,
- Жер аянттарын сарамжалдуу пайдалануу,
- Заманбап, бир типтүү курулуштарды орнотуу,
- Турак жай аймактарын натыйжалуу башкаруу.
"Урматуу жашоочулар! Көп кабаттуу үйлөрдүн айланасындагы мыйзамсыз курулуштарды өз ыктыярыңыз менен алуу менен шаарыбыздын өнүгүшүнө салым кошуңуз. Мыйзамсыз курулуштарга уруксат берилбей турганын эскертебиз!",-деп айтылат маалыматта7
