Бишкек, 12.12.25. /Кабар/. Сирияда 31-мартка чейин салык төлөөчүлөр пайыздардан жана айып пулдардан толук бошотулат. Бул тууралуу Сириянын SANA расмий маалымат агенттигинин маалыматына таянып, Анадолу агенттиги жазды.
Анда белгиленгендей, 2024-жылга жана андан мурунку мезгилге салыктарды жана жыйымдарды кечиктирип төлөө үчүн карала турган пайыздар, айып пулдар президенттин жарлыгы менен алып салынды.
2026-жылдын 31-мартына чейин салык төлөгөн салык төлөөчүлөр пайыздардан жана айып пулдардан толук өлчөмдө бошотулат, ал эми 2026-жылдын 1-апрелинен 30-июнуна чейинки мезгилде салык төлөгөндөр сумманын жарымынан бошотулат.
