Бишкек, 07.07.26 /Кабар/. Бүгүн экономика жана коммерция министринин орун басары Беназир Нурланова Сингапурдун Sunvera Solar Pte. Ltd. компаниясынын өкүлдөрү менен жолукту. Б
Ведомстводон маалымдашкандай, жолугушууга ошондой эле Энергетика министрлигинин жана Инвестициялар боюнча улуттук агенттиктин өкүлдөрү катышты.
Суйлөшүүнүн алкагында Кыргызстандын аймагында долбоордук кубаттуулугу 2 ГВтка чейин болгон жогорку натыйжалуу фотоэлектрдик (күн) элементтеринин заманбап өндүрүшүн түзүү маселеси талкууланды.
"Бул демилге сингапурдук компаниянын күн энергетикасы продукциясын жеткирүүнүн глобалдык чынжырчасын кеңейтүүгө багытталган негизги чет өлкөлүк долбоорлорунун бири болуп саналат. Мындан тышкары, тараптар жогорку технологиялык өндүрүштү локалдаштыруу, жаңы жумуш орундарын түзүү жана түз чет өлкөлүк инвестицияларды тартуу боюнча пикир алышты", - деп айтылат маалыматта.
Жыйынтыгында тараптар "жашыл" энергетика жаатындагы кызматташтыкты өнүктүрүүнү улантууну жана мүмкүн болгон өндүрүш аянттары менен таанышуу үчүн сапарларды уюштурууну макулдашышты. Бул инвестициялык демилге өлкөнүн энергиянын кайра жаралуучу булактарын өнүктүрүү боюнча мамлекеттик саясатына толугу менен шайкеш келери белгиленди.
