Бишкек, 01.09.26 /Кабар/. Президент Садыр Жапаров бүгүн, 1-сентябрда Бишкек шаарында Шанхай кызматташтык уюмунун саммитинин алкагында Түркия президенти Режеп Тайып Эрдоган менен жолугушуу өткөрдү.
Тараптар ар кыл багыттардагы стратегиялык өнөктөштүк менен мүнөздөлгөн жана эки жактуу, ошондой эле көп тараптуу форматтарда активдүү өнүгүп жаткан кыргыз-түрк мамилелеринин жогорку деңгээлин белгилешти.
Соода-экономикалык жана инвестициялык, билим берүү, саламаттык сактоо, аскердик-техникалык кызматташтык жана башка багыттар сыяктуу келечектүү тармактарда өз ара аракеттенүүнү кеңейтүү үчүн кеңири мүмкүнчүлүктөр бар экени айтылды.
Жолугушуунун соңунда тараптар кыргыз-түрк ар тараптуу стратегиялык өнөктөштүгүн мындан ары тереңдетүүгө жана кеңейтүүгө, ошондой эле эки өлкөнүн өз ара пайдалуу кызматташтыгын бекемдөөгө багытталган биргелешкен долбоорлорду ишке ашырууга кызыкдар экенин ырасташты.
