Бишкек, 20.02.25. /Кабар/. Күн мурун Кара-Суу райондук аймактык ооруканасында өрт коопсуздугу боюнча текшерүү жүргүзүлдү.
Ведомстводон билдиришкендей, текшерүүнүн жүрүшүндө аталган ооруканада сырткы жана ички өрткө каршы суу булактары камсыздалбагандыгы,өрттү кабарлоочу автоматтык жабдыктар менен камсыздалбагандыгы жана бир катар режимдик мүнөздөгү өрт коопсуздук иш-чараларынын аткарылбагандыгы аныкталып, түшүндүрүү иштери жүргүзүлдү.
Мындан улам өрт коопсуздугун жоюуга акт түзүлүп, эскертме берилди.
Ошондой эле, ушул эле иш чара Алай райондук жалпы дарыгерлер практикалык борборунда өттү.
Текшерүү жыйынтыгында, аталган медициналык мекемелерде орун алган кемчиликтерди 30 күндүн ичинде жоюу боюнча эскертүүлөр жазуу түрүндө берилди.
