Бишкек, 05.12.25 /Кабар/. Россияда жаңы “Молния” мессенджери 2026-жылы ишке киргизилет. Бул тууралуу Казинформ агенттиги маалымдады.
Маалыматка караганда, аталган мессенджер Россиянын Red Soft жана Кытайдын Passion компаниялары тарабынан биргелешип иштелип чыккан.
"Молния" — бул байланыш, социалдык контент, төлөм кызматтары, чек ара соодасы жана бизнес кызматтарын бириктирген көп функционалдуу платформа.
Мессенджердин басма сөз кызматы билдиргендей, бул тиркеме өсүп жаткан орус-кытай туристтик агымына, ишкерлерге, контент жаратуучуларга жана чек ара кызматында иштеген компанияларга багытталган.
