Бишкек, 28.03.25. /Кабар/. Россия менен АКШнын эксперттик топторунун жолугушуусунун Украинадагы жаңжалды жөнгө салуу боюнча экинчи айлампасы Эр-Риядда апрелдин орто ченинде өтүшү мүмкүн. Бул тууралуу ТАСС кабарлады.
Агенттиктин маалыматына ылайык, тараптардын сүйлөшүүлөрдүн кийинки айлампасын өткөрүүгө байланыштуу уюштуруу маселелери азырынча талкуулана элек болсо да, Россия менен АКШнын ортосундагы техникалык консультациялар уланат.
“Делегациялар апрель айынын орто ченинде Эр-Риядда дагы бир жолугушуу өткөрүшү мүмкүн”- деп айтылат маалыматта.
Эске салсак, 24-мартта Сауд Арабия өлкөсүнүн Эр-Рияд шаарында Россия менен АКШнын эксперттик топторунун жолугушуусу өтүп, ал 12 саатка созулган.
Жолугушууга АКШнын мамлекеттик катчысы Энтони Билинкен жана Россиянын тышкы иштер министри Сергей Лавров баштаган делегациялар катышты. Эки өлкөнүн өкүлдөрү Эр-Риядда өткөрүлгөн сүйлөшүүлөрдө кеңири тармактагы маселелерди, анын ичинде саясат, экономика жана эл аралык коопсуздук тууралуу пикир алышкан.
Сүйлөшүүлөрдүн соңунда тараптар эки мамлекеттин ортосундагы дипломатиялык жана экономикалык байланыштарды өркүндөтүү үчүн бир катар келишимдерге кол коюлган.
