Бишкек, 29.10.25. /Кабар/. Бүгүн Рио-де-Жанейро полициясынын Алемао жана Пенья фавелаларында "Кызыл командачылык" кылмыштуу тобуна каршы ири операциясы учурунда кеминде 64 адам өлүп, 81 киши камакка алынды. Бул тууралуу Синьхуа агенттиги кабарлады.
Маалыматка караганда, Рио-де-Жанейро штатынын өкмөтү бул операцияны шаардын тарыхындагы эң кандуу окуя деп атады.
Ага 2 миң 500дөн ашык милиция кызматкерлери катышты. Алар эки фавеладагы 26 жамаатка жайгаштырылды.
Учурда полиция операция уланып жатканын жана жарадарлардын саны өсүшү мүмкүн экенин билдирген.
