Бишкек, 19.08.2025. /Кабар/. Пакистандын түндүк-батышында селден кесепетинен кеминде 340 адам каза болуп, 150дөн ашуун адам дайынсыз болууда. Бул тууралуу Евроньюс маалымат агенттиги жазды.
Маалыматка караганда, эң көп жабыр тарткан район Пакистандын түндүгүндөгү Хайбер-Пахтунхва провинциясынын Афганистан менен чектешкен Бунер району.
Учурда куткаруучулар тирүү калгандарды издөөнү жана урандылардын астынан сөөктөрдү чыгарууну улантышууда.
Бийликтин айтымында, келтирилген зыяндын көлөмү азырынча эсептеле элек.
