Бишкек, 30.01.25. /Кабар/. Өзгөчө кырдаалдар министрлиги кар көчкүгө кабылганда эске ала турган жагдайларды эскертти.
Ага ылайык,
- Алыска чыгарда аба ырайын эске алыңыз;
- Тоолуу жолдун абалын же көчкү жүрчү тилкелер менен таанышыңыз;
- Унаада күрөк, ысык суу, дары-дармек болушу зарыл;
- Кышкы дөңгөлөк алмаштырып, унаалар ортосундагы 500 метр аралыкты так сактаңыз;
- Кар көчкүдө калсаңыз дүрбөлөңгө түшпөңүз;
- Дүрбөлөң салуу, кыйкыруу сизди алсыратат;
- Кар көчкү токтогон соң, бет жана көкүрөк тушуңузду ачып, дем алууга шарт түзүңүз;
- Уктап калбаңыз, сизди издеп жаткандарга белги берүү аракетин жасаңыз;
- Эгер сиз кар көчкү жүргөн тилкеден сырткары болсоңуз, "112" бирдиктүү кызматына токтоосуз билдириңиз.
