Бишкек, 22.07.26. /Кабар/. Ош шаардык прокуратурасы жер казынасын пайдалануу боюнча мыйзамдардын аткарылышын текшерип, бир катар мыйзам бузууларды аныктады.
Башкы прокуратуранын маалыматына караганда, Ош шаарынын мэриясы тиешелүү ыйгарым укугу жок болсо да, кум-шагыл жана чопо казууга укук берүүчү 33 күбөлүктү мыйзамсыз берген.
Ошондой эле Жапалак айылдык аймактык башкармалыгынын кызмат адамдары жайыт жерлерин жасалма токтомдор менен жеке жактарга өткөрүп берип, мамлекетке 78,6 млн сом зыян келтиргени аныкталган.
Аталган фактылар боюнча "Кызмат абалынан кыянаттык менен пайдалануу" беренеси менен үч кылмыш иши козголуп, тергөө жүрүүдө.
Мындан тышкары, мыйзамсыз берилген жер тилкелерин жана күбөлүктөрдү жокко чыгаруу боюнча тиешелүү сунуштамалар киргизилди.
