Бишкек, 08.12.25. /Кабар/. Бүгүн Ош шаарында Навои көчөсүнүн оңдолгон бөлүгү пайдаланууга берилди.
Муниципалитеттен билдиришкендей, аталган көчөнүн Алымбек датка көчөсүнөн Курманжан датка көчөсүнө чейин бөлүгүнө жаңы асфальт басылган.
Аталган көчө унаа кыймылы үчүн кеңейтилип, бардык нормаларга ылайыкталып жасалды. Эки тарабына жөө жүргүнчүлөр үчүн тротуарлар жана ирригациялык лотоктор курулду. Жол оңдоо иштери жергиликтүү бюжеттин эсебинен жүргүзүлдү.
Жолду мэр Жеңишбек Токторбаев аксакалдар, жашоочулар менен чогуу ачып берди.
