Бишкек, 06.10.26. /Кабар/. Ош шаарынын мэри Жанарбек Акаев С.Ибраимов атындагы Ош улуттук драма театрында Мугалимдер күнүнө карата өткөн салтанаттуу иш-чарада устаздарды кесиптик майрамы менен куттуктады. Бул тууралуу шаардык мэриядан билдиришти.
Иш-чаранын жүрүшүндө мэр кыргыз мугалими басып өткөн татаал жолго, азыркы түзүлгөн шарттарга жана муктаждыктарга токтолду. Майрамдык салтанаттын алкагында “Жылдын мыкты мугалими-2026” республикалык сынагында 1-орунду багындырган Ашимжан Кебеков менен Айжан Гафаровага мэриянын атынан 200 миң сомдон акчалай сыйлык тапшырылды.
Колдо чарага агартуу министринин биринчи орун басары Мухтарбек Баймурзаев, ЖК депутаты Салтанат Аманова жана шаардык кеңештин төрагасы Болотбек Баетов катышып, мугалимдерге жылуу каалоо-тилектерин айтышты.
