Бишкек, 23.04.26. /Кабар/. Ош шаарындагы “Кызмат” мамлекеттик мекемесинин эки кызматкери кармалды. Бул тууралуу УКМКдан билдиришти.
Маалыматка ылайык, алар кызматтык абалынан кыянаттык менен пайдаланып, көрсөтүлгөн мамлекеттик кызматтар үчүн системалуу түрдө мыйзамсыз акча талап кылып келишкен.
Такталгандай, К.У.Б. жана М.А.Э. аттуу кызматкерлер чет өлкөлүк жарандардын өлкөдө жүрүүсүн мыйзамсыз легалдаштырган.
Шектүүлөр убактылуу кармоочу жайга киргизилди.
Учурда тергөө уланууда.
