Бишкек, 12.08.26. /Кабар/. Ош шаарында курулуш талаптарын бузган бетон цехинин иши токтотулду. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, аймактагы курулуш объектилерин көзөмөлдөнүн алкагында Ош шаарынын И. Раззаков көчөсү 21 дарегинде жайгашкан бетон арыктарын өндүрүүчү цехтин курулушун жүргүзүүдө тиешелүү шайкештик сертификаттары жок материалдар колдонулганы аныкталды.
"Аныкталган мыйзам бузуунун негизинде курулуш иштерин жүргүзгөн жеке ишкер Э. У. Т. карата тиешелүү акт түзүлүп, мыйзамда белгиленген тартипте административдик чаралар көрүлдү. Ошондой эле аныкталган мыйзам бузуулар жоюлганга чейин аталган объекттин ишмердүүлүгү токтотулду", - деп айтылат маалыматта.
