Бишкек, 27.02.25. /Кабар/. Ошто Өзбекстандын укук коргоо органдарынан жашырынып жүргөн экстремисттик топтун башчысы кармалды. Бул тууралуу Улуттук коопсуздук мамлекеттик комитетинен билдиришти.
Жүргүзүлгөн ыкчам издөө жана техникалык иш-чаранын алкагында, Ош шаарынын аймагында Фергана өрөөнүндөгү жашыруун экстремисттик топтун башчысы М.М.Х. кармалды. Ал 2022-жылдан бери Өзбекстандын укук коргоо органдарынан жашырынып жүргөн.
Кармалгандын жакын кылмыштуу байланыштарын аныктоо учурунда Кара-Суу шаарынын тургуну 1998-жылы туулган И.Б.Б. такталган. Анын алкагында, чогултулган далилдердин негизинде УКМК тарабынан кылмыш иши козголуп, тинтүү иш-чарасы өткөрүлгөн.
Жыйынтыгында “Хизбут Тахрир” диний-экстремисттик уюмуна тиешеси бар баракчалар, китептер, телефондор жана планшеттер табылып алынган.
2025-жылдын 14-февраль күнү Кара-Суу шаардык соту тарабынан И.Б.Б. 4 жылга эркинен ажыратылган.
Азыркы учурда И.Б.Б.нын кылмыштуу байланыштарын аныктоо максатында, ыкчам-издөө иштери жүрүп жатат.
