Бишкек, 20.02.25. /Кабар/. Ош жана Чүй облустарында жол иштери тынымсыз жүрүп жатат. Бул тууралуу Транспорт жана коммуникациялар министрлиги билдирди.
Маалыматка ылайык, № 44 Жол тейлөө ишканасы тарабынан Тоо-Моюн-Араван унаа жолунда грейдер менен жолдун жээгин калыбына келтирүү жумуштары аткарылды.
Ошондой эле Ош облусунун Чоң-Алай районунда Ош-Сары-Таш-Эркечтам унаа жолунда №16 Жол тейлөө ишканасы тарабынан кызматкерлери тарабынан атайын техникалар менен жолду кардан тазалоо иштери жүрүп жатат.
Кошумчалай кетсек, Чүй облусунун Кемин районундагы Кара-Булак-Бейшеке унаа жолунда №32 Жол тейлөө ишканасынын кызматкерлери жол белгилерин орнотуп, жол жээгиндеги куурап калган бак-дарактардын бутактарын кыркуу иштерин жүргүзүүдө.
