Бишкек, 12.03.25. /Кабар/. Ош шаарынын Абдыразаков жана Тилеке-Баатыр көчөлөрү талапка ылайык иреттелет. Бул тууралуу муниципалитеттен билдиришти.
Мэр Жеңишбек Токторбаев бүгүнкү таңкы рейдде аталган көчөлөрдү кыдырды.
Шаар башчысы көчөлөрдүн абалын көрүп чыгып, тиешелүү кызматтарга бул аймакты талапка ылайык келтирүү боюнча жумуштарды баштоону, анын ичинде тротуарларды ачуу үчүн кызыл сызыктын чыгып кеткен мыйзамсыз курулуштарды алып салууну тапшырды.
Ошондой эле шаар тургундары үчүн эс алуу шарттарын түзүү менен бирге, таштандыга толуп, мыйзамсыз тосмо жана куураган бадалдар менен тосулуп калган жерлерди тазалап, жашыл аймактарды түзүү боюнча тапшырмаларды берди.
