Бишкек, 26.02.25. /Кабар/. Ош шаарындагы медициналык мекемелеринде өрт коопсуздугу боюнча түшүндүрүү иштери уланууда.
Өзгөчө кырдаалдар министрлигинен билдиришкендей, күн мурун ӨКМдин Ош шаары боюнча башкармалыгынын кызматкерлери тарабынан Ош облустук патологиялык-анатомиялык бюросунун кызматкерлерине өрт коопсуздугун алдын алуу боюнча сабактар өткөрүлүп, түшүндүрүү иштери жүргүзүлдү.
Иш-чаранын жүрүшүндө мекеменин кызматкерлерине электр жабдыктарын, колдонуудагы өрт коопсуздугун ошондой эле алгачкы өрт өчүрүү шаймандарынын оң абалда болуусу тууралуу нускамалар таратылып, колдонуу мүнөздөмөлөрү менен тааныштырылды.
Белгилей кетсек, учурда республиканын аймагында медициналык мекемелердин өрт коопсуздугун текшерүү боюнча рейддик иш-чаралар жүрүүдө.
