Бишкек, 08.03.25. /Кабар/. Бүгүн таү эрте Ош шаарынын мэри Жеңишбек Токторбаев Ишматов, Күрөңкеев көчөлөрүн кыдырды.
Мэриядан билдиришкендей, аны менен бирге Алымбек датка муниципалдык аймактык башкармалыгындагы ички көчөлөрдүн абалын көрүп чыкты.
Шаар башчысы жеринде тиешелүү кызматтарга тротуарларды жана ирригациялык тармактарды куруу зарылдыгын белгилеп, кызыл сызыкка чыгып кеткен, сел каналдарын тосуп алган, башаламан орнотулган мыйзамсыз курулуштарды бузуу боюнча тапшырмаларды берди.
Мындан тышкары, мэр жол жээгиндеги имараттардын сыртын бирдиктүү көрүнүшкө келтирүүнү, Ишматов, Күрөңкеев, Ленин жана С. Бахапова көчөлөрүндө жашыл аймактарды түзүүнү тапшырды.
Шаар көчөлөрүн талаптарга ылайык келтирүү иштери уланат.
