Бишкек, 20.02.25. /Кабар/. Ош шаарынын мэриясында шаарда сатылып жаткан эттин баасын арзандатуу боюнча жыйын өттү.
Муниципалитеттен билдиришкендей, ага Монополияга каршы жөнгө салуу кызматынын төрагасынын орун басары Мурат Иманкулов, аталган кызматтын Ош шаары боюнча бөлүмүнүн, шаардык ветеринардык башкармалыктын, Мамлекеттик салык кызматынын башкармалыгынын, мэриянын тийиштүү кызматкерлери жана эт сатуучу жайлардын ээлери катышты.
Мурат Иманкулов этке болгон бааны көтөрүлүшү жарандарга оордук алып келээрин айтып, 20-30 сомго арзандатууну сунуштады.
Жыйында касапчылар менен сүйлөшүүлөр жүргүзүлүп, алардын ой-пикирлери угулуп, этке болгон баа малдын эти 630 сомго чейин, ал эми кой этин 640 сомго чейин гана сатылуусу белгиленди.
