Бишкек, 03.03.25. /Кабар/. Ош шаарында таштандыларды кайра иштетүүчү жана электр энергиясын өндүрүүчү завод курулат.
Шаар мэриясынан билдиришкендей, Ош шаарынын мэри Жеңишбек Токторбаев менен анын орун басары Сонунбек Жунусбаев Кытайдын Хунань провинциясынын Чанша шаарына болгон жумушчу сапарынын алкагында Ош шаарында электр энергиясын өндүрүү максатында таштандыларды кайра иштетүүчү экотехнологиялык завод куруу боюнча алкактык келишимге кол коюшту.
Белгиленгендей, алар жеринде «Хунань Цзюнсинь Хуаньбао Кей Джи Инвест». ЖЧКсынын ишмердүүлүгү менен да таанышты.
Учурда бул долбоордун техникалык-экономикалык негиздемеси иштелип чыгууда. Курулуш иштери жакынкы айларда башталат.
