Бишкек, 07.02.25. /Кабар/. Ош шаарында арзан баада картошка саткан түйүндөр уюштурулду. Бул тууралуу муниципалитеттен билдиришти.
Маалыматка ылайык, Суу ресурстары, айыл чарба жана кайра иштетүү өнөр жайы министрлигинин колдоосу менен социалдык долбоордун алкагында “Кыргыз Агрохолдинг” ишканасы менен биргеликте Ошко жеңилдетилген баада картошка алынып келинди.
“Кыргыз Агрохолдинг” менен министрликтин биргелешкен аракетинин натыйжасында Ош шаарынын Көкүм-Бий көчөсүндөгү жашылча, мөмө-жемиш базарында картошканын бир килограммы 50 сомдон сатылууда.
Картошкаларды жеңилдетилген баада сатуу, ошондой эле шаар аймагында жайгашкан социалдык дүкөндөргө да уюштурулат.
