Бишкек, 25.04.25. /Кабар/. Бүгүн Ош шаарынын Төлөйкөн айылдык аймактык башкармалыгында № 88 "Аалам - нуру" бала бакчасы ачылды.
Муниципалитеттен билдиришкендей, мектепке чейинки билим берүү мекемесинин ачылышына мэр Жеңишбек Токторбаев катышты.
Шаар башчысы сөз сүйлөп жатып, ар бир бала – бул үмүт, келечек, эгемен мамлекетибиздин таянычы экенин белгилеп, бала бакчанын курулушуна салым кошкон бардык тараптарга жана колдоочу мекемелерге ыраазычылыгын билдирди.
Мектепке чейинки 2 кабаттуу мекеменин курулушу республикалык бюджеттин эсебинен 2021-жылы башталган. Бүгүнкү күндө бала бакчанын ички жана сырткы жасалгалоо иштери толугу менен аяктап, зарыл жабдуулар менен камсыз болгон.
