Бишкек, 10.02.25. /Кабар/. Ош-Сары-Таш-Эркечтам унаа жолунда мыйзамсыз курулуштарды демонтаждоо иштери уланууда.
Транспорт минитсрлигинен билдиришкендей, жумуштар № 21 Жол тейлөө ишканасынын кызматкерлери менен Кара-Суу райондук мамлекеттик администрациясы тарабынан аткарылып жатат.
Белгилей кетсек, мыйзамсыз объектилер Жалал-Абад, Ош, Баткен, Ысык-Көл, Нарын, Талас жана Чүй облусундагы жалпы пайдалануудагы унаа жолдордо атайын техниканын жардамы менен алынууда.
Эске салсак, бул жумуштар жумуштар президенттин 2023-жылдын 14-мартындагы ПЖ №56 “Автомобиль жолдорунун жээгиндеги жерлерге (жол тилкесиндеги жана жол боюндагы тилкедеги жерлерде) жол боюндагы тейлөө объекттерин (анын ичинде сооданы) мыйзамсыз жайгаштырууну алдын алуу жана бөгөт коюу боюнча чаралар жөнүндө” Жарлыгын аткаруунун алкагында жүрүп жатат.
