Бишкек, 13.02.25. /Кабар/. Бүгүн Ош шаарынын мэри Жеңишбек Токторбаев таң эрте Курманжан-Датка көчөсү менен кесилишкен А. Навои менен Ленин көчөсүнө чейинки аралыктагы аймакты текшерип чыкты.
Муниципадитеттен билдиришкендей, анын жүрүшүндө шаар башчысы жол боюнда тиешелүү жашыл аянтчалардын, бак-дарактардын, ирригациялык тармактардын жоктугун байкап, бул боюнча сын-пикирин айтты.
Мында бир катар соода түйүндөрүнүн алдындагы аймакта унаа токтотуучу жайларга орун берүү максатында жашыл бак-дарактар алып салынган.
Жеңишбек Токторбаев көчөнүн жалпы сырткы көрүнүшүн жаңылап, заманбап талаптарга шайкеш келитирүү менен бирдиктүү дизайнын иштеп чыгуу, кызыл сызыкка чыккан курулуштарды бузуп алып салуу боюнча тапшырмаларды берди.
