Бишкек, 21.10.26. /Кабар/. Табигый илимдер жана математика предметтери боюнча жалпы 238 миң 430 нуска иш дептери басылып чыгарылды. Бул тууралуу Агартуу министрлигине караштуу "Окуу китеби" басма үйү" мамлекеттик мекемесинен билдиришти.
Маалыматка ылайык, анда 2-класстар үчүн "Табигый илимдер" предмети боюнча кыргыз класстар үчүн — 88 505 нуска, орус класстар үчүн — 56 175 нуска бар.
Ошондой эле 8-класстар үчүн "Математика" предмети боюнча орус класстар үчүн — 93 750 нуска даярдалды.
Басылып чыккан окуу-методикалык комплекттер аймактардагы мектептерге жеткирилип, окуучуларга таратылат.
