Бишкек, 09.10.26. /Кабар/. Канадалык жазуучу жана акын Энн Карсон 2026-жылдагы адабият боюнча Нобель сыйлыгына татыды. Ал сыйлыкка классикалык салт менен өзгөчө чыгармачылык диалог түзүп, заманбап адабияттын жаңы формаларын жараткан тайманбас жана жаңычыл чыгармалары үчүн ээ болду. Бул тууралуу Анадолу агенттиги маалымдады.
Быйылкы лауреаттардын ысымдары Швеция академиясында өткөн басма сөз жыйынында жарыяланды.
1950-жылы Канаданын Торонто шаарында төрөлгөн Энн Карсон акын, жазуучу, котормочу жана филолог катары белгилүү. Ал Торонто университетинде билим алып, кийин Канаданын жана АКШнын бир катар жогорку окуу жайларында байыркы жана салыштырма адабияттан сабак берген.
Анын белгилүү чыгармаларынын катарына “Eros the Bittersweet”, “Autobiography of Red”, “Men in the Off Hours” жана “The Beauty of the Husband” кирет.
Белгилей кетсек, Нобель сыйлыгы адамзатка пайда алып келген өзгөчө жетишкендиктер үчүн ыйгарылат. Адабият боюнча сыйлык 1901-жылдан тарта тапшырылып келет. Сыйлыктарды тапшыруу аземи салт боюнча Альфред Нобелдин каза болгон күнү — 10-декабрда өтөт.
