Бишкек, 09.10.25. /Кабар/. 2025-жылы адабият боюнча Нобель сыйлыгы венгр жазуучусу Ласло Краснахоркаиге ыйгарылды. Бул тууралуу Стокгольмдогу Нобель комитети билдирди.
Бул — автордун алгачкы ийгилиги эмес. Ал буга чейин 2015-жылы Эл аралык Букер сыйлыгын, 2019-жылы АКШнын Улуттук китеп сыйлыгын (котормо адабият үчүн) жана 2004-жылы Венгриянын эң жогорку мамлекеттик сыйлыгы — Кошут сыйлыгын алган. Белгилүү адабиятчы Сьюзен Сонтаг аны “апокалипсистин заманбап венгр чебери” деп атаган.
Эске салсак, 2024-жылы бул сыйлыкка түштүк кореялык жазуучу Хан Ган татыктуу болуп, анын чыгармалары "тарыхый травмаларды жана адам өмүрүнүн морттугун чагылдырганы" үчүн бааланган.
