Бишкек, 07.07.25. /Кабар/. Нигериянын түндүгүндөгү Кано штатында жүк ташуучу унаа менен автобус кагылышып, кеминде 21 адам каза болуп, үчөө жараат алды. Бул тууралуу Синьхуа маалымдады.
Маалыматка караганда, кырсык Касувар Дого аймагындагы Зариа-Кано шоссесинде автобустун айдоочусу жолдон чыгып кеткендигинен улам болгон.
Кырсыктын кесепетинен өрт чыгып, эки унаа тең күйүп кеткен. Жабыркагандар мамлекеттик ооруканага жеткирилген.
“Өлүмгө алып келген жол кырсыктары Нигерияда көбүнчө ашыкча жүктөлгөн унаалар, начар жол шарттары жана этиятсыз айдоодон улам болот”,-деп айтылат маалыматта.
