Бишкек, 25.07.25. /Кабар/. Нигериянын борбордук бөлүгүндө холера эпидемиясы күч алып, 13 адамдын өмүрүн алды. Бул тууралуу өлкөнүн негизги саламаттык сактоо боюнча комиссары дарыгер Ибрагим Ахмед Дангана билдиргенин, Казинформ жазды.
Дарыгердин айтымында, оорунун очогу облустун алты районунда катталып, жалпы 239 учур тастыкталган.
Эпидемиянын жайылышын алдын алуу максатында ар бир жабыркаган райондо бейтаптарды дарылоо жана обочолонтуу борборлору уюштурулду.
Ал белгилегендей, 2024-жылдын 26-июнунда холеранын көбөйүшүнө байланыштуу өлкөдө “улуттук өзгөчө кырдаал” жарыяланган.
Нигерияда бул илдеттин жайылышына негизги себептер — таза ичүүчү суунун жетишсиздиги жана медициналык кызматтарга жетүүнүн чектелгендиги.
Мындан сырткары, өлкөдө безгек, полиомиелит, ич келте жана маймыл чечеги сыяктуу башка жугуштуу оорулар да ар дайым катталып турат.
Бүткүл дүйнөлүк саламаттык сактоо уюмунун маалыматына ылайык, Нигерия холерадан эң көп жабыркаган Африка өлкөлөрүнүн бири болуп саналат.
