Бишкек, 17.09.25. /Кабар/. Күн мурун Нарын районунун Куйбышев айылында Жумгалбек Солтонкулов атындагы кризистик борбор ачылды. Бул тууралуу президенттин аймактагы өкүлчүлүгүнөн билдиришти.
Борбордун ачылыш аземине облус башчысынын орун басары Айдана Иманалиева катышты.
Мекеменин капиталдык оңдоо иштери Эмгек, социалдык камсыздоо жана миграция министрлигинин социалдык колдоо долбоорунун алкагында 827 миң сомго каржыланып, кызматкерлердин айлык акысы камсыздалды.
Мындан сырткары, жергиликтүү бюджеттен кошумча оңдоо жүргүзүлүп, айыл тургундары жана демөөрчүлөр да колдоо көрсөтүштү.
Кризистик борбордун негизги максаты - турмуштун оор кырдаалына кабылган үй-бүлөлөрдүн балдарына эрте кийлигишүү жана социалдык колдоо кызматтарын көрсөтүү болуп саналат.
