Бишкек, 17.07.26 /Кабар/. Нарын шаарынын мэри Жылдызбек Беккелдиев шаардагы жаңы курулуп жаткан социалдык объектилерди кыдырып, аларды инженердик коммуникацияларга кошуу маселелери боюнча жеринде жыйын өткөрдү.
Мэриянын маалыматына ылайык, учурда муниципалдык коомдук мончонун, балдар оюн-зоок борборунун, ошондой эле креативдүү демилгелер, искусство, маданият жана инновация борборунун жаңы имараттарында курулуш иштери уланууда.
Кыдыруунун жүрүшүндө объектилерди электр энергиясына, жылуулук системасына жана суу түтүктөрүнө өз убагында кошуу, ошондой эле айлана-чөйрөнү көрктөндүрүү иштерин белгиленген мөөнөттө бүткөрүү маселелерине өзгөчө көңүл бурулду.
Жыйынтыгында шаар мэри жооптуу мекеме-ишканалардын жетекчилерине иштерди сапаттуу жана өз мөөнөтүндө бүтүрүү боюнча тапшырмаларды берди.
