Бишкек, 12.08.25. /Кабар/. Нарын облусунун аймагында "Түндүк-2025" мобилизациялык машыгуусу уланууда. Бул тууралуу Коргоо министрлигинен билдиришти.
Машыгууга Ат-Башы, Ак-Талаа жана Нарын шаардык бириккен аскер комиссариаттарынан чакырылган 100дөн ашык запастагы аскер кызматчылар жана техникалар катышууда.
Машыгуу Коргоо министрлигинин 93546 аскер бөлүгүнүн базасында өтүп, катышуучуларга тактикалык, инженердик, радиациялык-химиялык-бактериологиялык коргонуу (РХБК), байланыш жана ок атуу даярдыгы боюнча теориялык жана практикалык сабактар өтүүдө.
Белгилей кетсек, "Түндүк-2025" мобилизациялык машыгуусу жыл сайын Куралдуу күчтөрдү даярдоо планынын негизинде өткөрүлүп келет.
2024-жылы аталган машыгуу Ысык-Көл облусунда өткөрүлгөн.
