Бишкек, 22.03.26. /Кабар/. Нарын шаарынын борбордук аянтында Нооруз майрамына карата уюштурулган концерт жогорку деңгээлде өттү. Бул тууралуу Маданият, маалымат жана жаштар саясаты министрлигинен билдиришти.
Ага маданият министри Мирбек Мамбеталиев, курулуш, архитектура жана турак жай-коммуналдык чарба министри Нурдан Орунтаев, ошондой эле президенттин Нарын облусундагы өкүлү Нурбек Сатаров катышып, куттуктоо сөздөрүн сүйлөштү.
Кечки концерттик программада белгилүү эстрада жылдыздары жана таланттуу аткаруучулар сахнага чыгып, өз өнөрлөрүн тартуулашты. Алардын катарында Бек Борбиев, Динара Акулова, Элзар Өскөнбаева жана башка белгилүү ырчылар, ошондой эле ERA, Каныш Нурди жана Freeman 996 сыяктуу жаш аткаруучулар өз өнөрлөрүн көрсөтүштү.
Гала-концерт элдик жана эстрадалык чыгармалар менен коштолуп, көрүүчүлөргө унутулгус таасир калтырды.
