Бишкек, 20.02.25. /Кабар/. Нарын шаарындагы социалдык объектилердин өрт коопсуздугу текшерилди. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Нарын облустук өрткө каршы кызматынын кызматкерлери күн мурун медициналык мекемелерде жана мектептерде өрт коопсуздугунун сакталышы боюнча текшерүү жүргүзүшкөн.
Текшерүүнүн жүрүшүндө мектеп жана ооруканалардын жооптуу өкүлдөрүнө мыйзам бузууларды жоюу боюнча тапшырмалар берилип, өрт коопсуздугу жана техникалык коопсуздук боюнча түшүндүрүү иштери жүргүзүлдү.
