Бишкек, 25.05.26. /Кабар/. Нарын шаарында ички жолдорду оңдоо жана аң-чөнөктөрдү асфальттоо үчүн атайын техникалар менен керектүү жабдуулар сатып алынат. Бул тууралуу мэриядан билдиришти.
Калаа башчысы Жылдызбек Беккелдиевдин тапшырмасына ылайык, жергиликтүү бюджеттен бул максатта 3 млн сом бөлүнгөн.
"Учурда бөлүнгөн каражатка 3 тонналык каток, жол оңдоого керектүү башка техникалык жабдуулар жана асфальт сатып алуу иштери жүрүүдө. Сатылып алынган техникалар шаардын ички жолдорун сапаттуу жана тез арада калыбына келтирүүгө шарт түзөт", - деп айтылат маалыматта
Маалыматта белгиленгендей, шаар ичиндеги жолдордун аң-чөнөктөрүн асфальттоо иштерин үстүбүздөгү жылдын июнь айынан кечиктирбей баштоо аракети көрүлүүдө.
