Бишкек, 23.07.26 /Кабар/. Нарын шаарында аз камсыз болгон 200 үй-бүлөгө азык-түлүк жардамдары таратылды.
Нарын шаардык мэриясынын маалыматына ылайык, кайрымдуулук акциясы Катар кайрымдуулук фондунун колдоосу менен уюштурулуп, ар бир үй-бүлөгө ун, өсүмдүк майы жана күнүмдүк керектелүүчү башка азык-түлүктөр камтылган баштыктар тапшырылды.
Иш-чаранын жүрүшүндө Нарын шаарынын мэринин орун басары Элмира Турганбаева аз камсыз болгон үй-бүлөлөрдү колдоого багытталган бул кайрымдуулук долбоору үчүн Катар кайрымдуулук фондуна ыраазычылык билдирип, мындай жардамдар муктаж жарандар үчүн чоң колдоо экенин белгиледи.
