Бишкек, 17.07.25. /Кабар/. Нарын шаарында автобекет капиталдык оңдоодон өткөрүлүүдө. Бул тууралуу мэриядан билдиришти.
Оңдоо иштери Нарын шаарын өнүктүрүүгө президенттин турукташтыруу фондунан бөлүнгөн 807 млн сомдун эсебинен жүргүзүлүүдө.
Нарын шаарынын мэри Канболот Тутуев автобекетти оңдоо иштери менен таанышып, аткаруучу ишкананын өкүлдөрүнө сапаттуу иштеп, өз мезгилинде бүткөрүүнү тапшырды.
