Бишкек, 21.07.26 /Кабар/. Нарын – Оруктам унаа жолунун 5,5 чакырым аралыгы асфальтталууда.
Транспорт жана коммуникациялар министрлигинен билдиришкендей, жолдун 9,5-15-чакырым аралыгы жаңыланат.
"Учурда курулуш иштери бекитилген графикке ылайык кызуу уланып, асфальт-бетон аралашмасы төшөлүүдө", - деп айтылат маалыматта.
Белгиленгендей, жол оңдоо иштери аймактын транспорттук байланышын жакшыртып, жол кыймылынын коопсуздугун жана жашоочулар үчүн ыңгайлуулукту арттырууга багытталган.
