Бишкек, 30.06.25. /Кабар/. Нарын – Оруктам унаа жолуна асфальт төшөлөт. Бул тууралуу Транспорт жана коммуникациялар министрлигинен билдиришти.
Маалыматка ылайык, каражат мамлекеттик капиталдык салымдар беренесинин эсебинен бөлүнүп, унаа жолдун 4 чакырымы асфальтталат.
Бүгүнкү күндө 3 чакырым аралыкта жолдун негизин даярдоо жумуштары жыйынтыкталып, калган бөлүгүндө жер жумуштары уланууда. Июль айында асфальт төшөө иштерин баштап, бүткөрүү мерчемделип жатат.
Жол оңдоо жумуштары унаа каттамын жакшыртууга жана жол кыймылынын коопсуздугун жогорулатууга багытталып, министрликке караштуу № 24 Жол тейлөө ишканасы тарабынан аткарылууда.
